茶木‧台式休閒餐廳 (已結業)

天氣不似預期，最好的去處就係一個悠閒，安靜的角落。於是選擇來到茶木。嚟得較早（中午12點），毋需等位直接入座。呢度同咖啡弄一樣，都係台式清新style。店內提供各式飲品，小食，小菜and甜品。選擇頗豐盛。因為諗住當食lunch，order咗三杯雞，綜合水果茶。三杯雞全翼上，最貼心係有個爐跟埋可以一路keep住熱度，不過味道就不過不失。水果茶賣相不錯，飲落就覺得一般，咖啡弄的好飲好多。好後悔自己叫咗個飯跟三杯雞，因為食完已經飽肚食唔落蜜糖磚塊了。但嚟茶木，豈能不試蜜糖磚？最終都係order咗個士多啤梨味嘅磚，齋個賣相就好好👍 食落亦不令人失望。麵包好脆，就住rich嘅cream同jam，真係好享受！即刻將陰天心情一掃而光！膽固醇之類嘅嘢，都係食完先諗啦！