中村藤吉香港店 (已結業)

唔知有冇人同我有一樣感覺，喺尖沙咀要搵杯野飲一啲都唔容易。去到旺角、銅鑼灣都大把手調飲品，一條街總有一兩間喺左近。唯獨尖沙咀一係就便利店、許留山、starbucks，最盡都係誠品入面嘅天仁…我係周不時會覺得口渴嘅人，月中已經試過，隔硬喺the one一間雪糕店買左杯麻麻地嘅飲品。終於我發現有另一個選擇了，就係中村藤吉~大概十點去到，應該差唔多關門，店員都提提我乜都賣哂，只係剩番飲品，啱哂啦，我咪黎買野飲囉凍甜綠茶 $28綠茶味突出、濃烈，綠茶粉融和得好好，唔會有粉感，飲落細滑雖然帶少少甜，但唔影響綠茶嘅濃度，但當然缺少平時飲綠茶嘅苦澀、回甘。仲有，佢地嘅冰溶解速度較慢，直至飲哂前都唔會令飲品變淡。喺尖沙咀搵左好耐先搵到飲品嘅情況下，我覺得幾有驚喜，又唔貴，下次我口渴的話識路了。有啲可惜係，當日時間唔早，雪糕、刨冰等都已經售罄。餐牌：