伴糖水 (已結業)

平時行開山林道個頭做瑜伽，今日誤打誤撞行左落下面一條街，發現有間舖仔細細只做外賣嘅糖水舖，大概做居民同隨近酒店遊客嘅生意多既糖水店。但佢既糖水款式雖然唔算太多，但勝在價錢都大眾化，見到佢地既 必食推介有紅棗桂圓桃膠，見到人地買外賣既時間都偷望到係好足料，另外餐牌上亦都有荳爽清心丸蕃薯白果 同 海帶臭草綠豆沙等等特別d既糖水比大家試 不過由於我喜好傳統糖水芝麻露， 所以揀咗兩款芝麻糊同埋椰汁西米露， 其中椰汁西米露我仲加咗清心丸， 清心丸好足料大大粒有口感， 加埋綠椰汁西米露度好夾芝麻糊口感幼滑，勝在飲得出係即日新鮮製作，就算擺雪櫃隔日食用都唔驚。( 當然人哋即日新鮮製造就即日食會較好啦😋） 不過熱糖水千祈唔好就咁擺入微波爐， 佢個碗真係好方便但係有金色就入唔到微波爐㗎喇， 要倒出自己個碗到再叮就安全🤩