たまご園 (朗豪坊) (已結業)

上星期五終於放寬晚市堂食，所以收工就約左朋友食日本野，加埋有我最中意食既梳乎厘。我地兩個人，叫左三款野食，最好彩係趕得切晚上6點前叫餐，可以叫到下午茶。1. 精選梳乎厘班㦸及指定飲品一杯 (下午茶)一人一件，香噴噴既雞蛋味，加上鬆軟既口感及楓糖漿，真係好正。飲品就係一杯好正常既凍烏龍茶。2. 五款玉子串燒五種唔同既toppings，加上暖笠笠既玉子燒，真係搵番係日本旅行掃街既感覺。但我本身就麻麻地食蕃茄同三文魚子個款。3. 吉列蝦滑蛋丼好彩既係吉列蝦只係淋左小小，仲有小小脆口。依餐飯食左200幾蚊，但食到唔同款式既蛋類食物，覺得好滿足。