影片
更多
2021-06-03
56 瀏覽
大圍一帶本來已經幾多甜品店，喺附近食完飯，未想走，於是就想搵間甜品店坐下，喺OpenRice發現大圍原來有間叫做小火焰嘅餐廳入邊都有好多甜品，俾啲相吸引咗！於是就過嚟啦。餐廳門口有啲櫈俾人等位，由於我去嘅時間比較夜，所以都好快就入到去。Menu入邊嘅相全部都影得好吸引，見到啲嘢食，就決定如果甜品好味嘅話，下次就嚟食埋晚飯！甜品有兩版，全部都勁吸引，搞到人有選擇困難症！我因為好鍾意食雪花冰嘅，所以就叫咗個士多啤梨味嘅寒冰，我朋友就係窩夫同埋Brownie中間掙扎咗好耐，最後揀咗Brownie。兩款甜品出到嚟真係同相一樣咁靚！超級適合打卡！我食嘅士多啤梨雪花冰超級好味，佢嘅面冰真係綿綿嘅冰，唔會係完全雪糕，又唔係刨冰，係名副其實嘅棉冰！好想知點樣整到呢種質感！入口即溶，但係又有啲口感！總之係個好特別嘅口感，好好味。士多啤梨面有少少蜜糖醬嘅感覺，撈埋啲牛奶冰，酸酸地甜甜地，非常好味。上面個雪糕我唔知係咩味既雪糕，但係同成個雪花冰都好夾！練兵上面仲有幾個芝士蛋糕仔，成分甜品都好豐富！只係$78 ，我覺得都好抵。朋友揀咗嘅Brownie都係好適合用嚟打卡，放喺一個爐上面，一上菜見到其他枱啲人都望
餐廳門口有啲櫈俾人等位，由於我去嘅時間比較夜，所以都好快就入到去。Menu入邊嘅相全部都影得好吸引，見到啲嘢食，就決定如果甜品好味嘅話，下次就嚟食埋晚飯！
甜品有兩版，全部都勁吸引，搞到人有選擇困難症！我因為好鍾意食雪花冰嘅，所以就叫咗個士多啤梨味嘅寒冰，我朋友就係窩夫同埋Brownie中間掙扎咗好耐，最後揀咗Brownie。
兩款甜品出到嚟真係同相一樣咁靚！超級適合打卡！
我食嘅士多啤梨雪花冰超級好味，佢嘅面冰真係綿綿嘅冰，唔會係完全雪糕，又唔係刨冰，係名副其實嘅棉冰！
好想知點樣整到呢種質感！入口即溶，但係又有啲口感！總之係個好特別嘅口感，好好味。
士多啤梨面有少少蜜糖醬嘅感覺，撈埋啲牛奶冰，酸酸地甜甜地，非常好味。上面個雪糕我唔知係咩味既雪糕，但係同成個雪花冰都好夾！練兵上面仲有幾個芝士蛋糕仔，成分甜品都好豐富！只係$78 ，我覺得都好抵。
朋友揀咗嘅Brownie都係好適合用嚟打卡，放喺一個爐上面，一上菜見到其他枱啲人都望住😂😂Bonnie嘅份量比想像中大，好大舊！我本來以為係細細舊。
上面有一舊雪糕，下面係一啲脆米墊住個底，所以件蛋糕唔會燶，上面最高仲有啲酸酸地好似忌廉芝士嘅醬，流到落去鐵板嗰個位，食落好似有少少黑松露嘅味，應該係錯覺🤣味道幾特別！
個Bonnie都幾好味，有濃濃嘅朱古力味。不過我自己係比較鍾意雪花冰果款！高質又大份嘅甜品，下次嚟食晚飯先！
張貼
