227甜棧 (已結業)

同同事係附近陵發食完，雖然好飽，但又心思思想食甜品，於是黎左227甜棧。平時食黎食去唔係楊枝甘露、梳乎厘，就係窩夫或者冰，而227甜棧就提供左好多唔同嘅選擇，好多都係同養生有關，而我地都可以自助拎茶水，佢間唔中會轉款，今次嘅係荔枝紅茶，雖然味道有啲淡，但係免費都算係咁啦！第一次黎有好多選擇，由於我本身好中意黑糖嘅關係，於是叫左黑糖沙冰配荔枝紅棗($26)。同時佢都會有黑糖漿提供比我地自己加，可能因為我果個係凍野，所以一落就凝固左HAHA叫黑糖底可以唔駛加，因為本身已經甜食落都有黑糖味，配荔枝紅棗好難唔好食（而且我本身又中意食），成個feel好養生，同埋比起平時食開果啲冇咁悶。食完同一路飲荔枝紅茶一路傾計，好滿足呀！同埋佢地有得儲印仔架，下次黎等我試埋其他野先！