Haven (已結業)

嚟咗無限次嘅灣仔從來都無入過呢條小街，朋友推介並安排嘅餐廳係一間小店，得幾張檯，有個半open kitchen。去到6點幾係happy hour , 酒buy 1 get 1 free ， 我地就要咗sparkling 開心下🥂。《DB de Bontol sparkling 》78之後order 咗啲小食《水牛芝士蕃茄》賣相好靚，一層層，有三層，精華在於個醋，一定要加上去食😚。《Fat chip》68係粗薯，啱啱炸起，好好食，好有薯味。《芝士菠菜龍葵菇》118即係大啡菇😅，面有啲芝士，中間係菠菜，底係菇，未上檯已好香，好正。《銀鱈魚露筍》368感覺好精緻，好法國菜，筍好嫩❣，魚都好滑甜品喺亂世中更能發揮作用，可化掉下大家心中嘅苦。即場整嘅拿破崙雖然層次唔夠多，但好香好脆好新鮮，另外仲order咗個rich chocolate cake , 真係好濃味👍餐廳整體食材都高質，賣相精美😍，似法菜，不過坐得迫咗啲同埋定價有啲偏高。