Ocio オシオ (已結業)

屯馬綫開通咗之後，多咗過嚟鑽石山行街，今日見到呢間西餐環境好舒適。✨奧斯西班牙海鮮燴飯一向好喜歡食燴飯，比較有口感，而且口感唔會太乾。個汁均勻佈滿每粒米飯，好惹味加埋大蝦嘅肉質鮮甜，超滿足✨奧斯蜜瓜雪山熱香餅一場嚟到...點可以唔試吓啲甜品，呢款蜜瓜造型嘅雪山熱香餅，實在太靚喇。熱香餅好鬆軟，免層加上蜜糖星星，脆卜卜...增添口感。✨草莓刨冰打卡必備嘅刨冰，口感好幼滑，淋上士多啤梨醬，再加入新鮮士多啤梨果肉，完全帶出鮮果嘅香味。炎炎夏日食杯刨冰...透心涼頂層再加上一隻藍色嘅蝴蝶，成個觀感都升華哂。