Ruby Tuesday (已結業)

因為朋友有Ruby Tuesday既membership，食野有半價，超抵，所以今日就突登黎尖沙咀間分店到食。我地三個人叫左一個小食、兩個主菜同一個甜品，真係超級飽首先黎既係呢個滋味炸蝦，個汁酸酸甜甜，有d似沙律醬咁既味道，再包住大大隻既炸蝦，真係超級惹味唔好睇落個兜咁細，其實都有4-5隻蝦。下面仲有超多沙律菜，真係值得一試。之後我地又叫左呢個三文魚扒，個皮煎得幾香脆，再配埋下面個野菌意大利飯，真係好好味，幾值得一試！再黎就係一個蜆肉意大利幼麵，其實即係蕃茄醬蜆肉意粉，個人就覺得冇咩特別，不過就幾抵食既最後真係要講下個甜品呢個甜品杯千奇品好睇少佢，最底有brownie，上面鋪滿左朱古力mousse、雲呢拿雪糕，仲有oreo碎，勁好味。但因為真係太多野食，又好大杯，我地三個人一齊食都食唔哂。。