影片
更多
2019-05-23
34 瀏覽
最近睇左ulifestyle個介紹，見到呢間有26款刺身飯同埋好吸引既甜品拼盤😍🤤，就約左fiancé放工去食。去到除左叫左呢兩樣，重叫左個海蝦味噌拉麵🍜。面頭有好多櫻花蝦，同兩隻虎蝦🦐🦐，不過我食中個隻蝦肉有啲梅😟，fiancé 個隻就正常啲。湯底唔算好濃蝦味，味噌偏重，唔會過鹹食完好口渴。拉麵軟硬度適中，如果有得揀軟硬度，個人口味會鍾意硬身啲。配料有啲芽菜、黑木耳、粟米同半隻溏心蛋，溏心蛋做得幾好👍🏻煮蛋既時間拿捏得準！26款刺身飯🍱同ulifestyle有啲唔同，睇返張單原來寫omakase，即係因應當日有咩刺身，廚師👨🏻🍳決定俾咩。不過有啲都唔係刺身，以我所認識既有火炙吞拿魚腩、赤身、三文魚、真鯛、八爪魚、喜靈魚、北寄貝、墨魚、赤貝、明太子、松葉蟹膏、飛魚籽、吞拿魚腩蓉、甜蝦、蟹棒、海膽、三文魚魚籽、帆立貝、松葉蟹鉗、玉子同腐皮。刺身大部分都中規中矩，最好食係火炙吞拿魚腩同吞拿魚腩蓉，好腍👍🏻帆立貝鮮甜，明太子唔腥得黎鹹香十足，重帶少少辣！醋飯🍚有少少啡色，用左赤醋。刺身飯重跟左碗味增湯，有好多料，除左海帶同腐皮，竟然有三文魚骨同白蘿蔔！全晚最驚喜係個甜品！勁呃like👍🏻之
去到除左叫左呢兩樣，重叫左個海蝦味噌拉麵🍜。面頭有好多櫻花蝦，同兩隻虎蝦🦐🦐，不過我食中個隻蝦肉有啲梅😟，fiancé 個隻就正常啲。湯底唔算好濃蝦味，味噌偏重，唔會過鹹食完好口渴。拉麵軟硬度適中，如果有得揀軟硬度，個人口味會鍾意硬身啲。配料有啲芽菜、黑木耳、粟米同半隻溏心蛋，溏心蛋做得幾好👍🏻煮蛋既時間拿捏得準！
26款刺身飯🍱同ulifestyle有啲唔同，睇返張單原來寫omakase，即係因應當日有咩刺身，廚師👨🏻🍳決定俾咩。
不過有啲都唔係刺身，以我所認識既有火炙吞拿魚腩、赤身、三文魚、真鯛、八爪魚、喜靈魚、北寄貝、墨魚、赤貝、明太子、松葉蟹膏、飛魚籽、吞拿魚腩蓉、甜蝦、蟹棒、海膽、三文魚魚籽、帆立貝、松葉蟹鉗、玉子同腐皮。刺身大部分都中規中矩，最好食係火炙吞拿魚腩同吞拿魚腩蓉，好腍👍🏻帆立貝鮮甜，明太子唔腥得黎鹹香十足，重帶少少辣！
醋飯🍚有少少啡色，用左赤醋。
刺身飯重跟左碗味增湯，有好多料，除左海帶同腐皮，竟然有三文魚骨同白蘿蔔！
全晚最驚喜係個甜品！勁呃like👍🏻之餘又好食！有香桃🍑乳酪雪糕🍦、65%黑朱古力心太軟🍫、咖啡奶凍🍮、抹茶蕨餅🍵同水信玄餅🌸。
開頭waitress問要牛奶味定桃味，無諗過係有乳酪味，食落酸酸甜甜幾好味。
心太軟一切落去，啲流心就湧晒出黎！
比較稀，所以要用匙更係咁推返入去，唔係就流出碟外。真係幾濃，唔太甜，焗到外脆內軟，如果流心濃稠多啲就更正，唔會食得太狼狽。最正係佢中間啲勁脆既caramel crunch、raspberries 同blueberries 睇得又食得！配埋心太軟一齊食好正！口感多左層次之餘，raspberries既酸味不嬲同dark chocolate🍫 係perfect match！一個心太軟share實在唔夠😂🙈好想要多件！🍮咖啡奶凍勁濃咖啡味，又唔會太甜太苦，同牛奶平衡得好好，重好動L好滑！
水信玄餅有朵花🌸係中間好靚，食落好滑，無乜味，fiancé 話似飲水好解渴😂😂
🍵抹茶蕨餅茶味淡，偏重黃金粉味，但都幾彈牙。
呢度既甜品重好食過甜品店！
張貼
