發記甜品 (已結業)

今日係旺角打完邊爐，心血來潮想食甜品，兼搵個地方傾吓計，朋友就介紹黎呢間餐廳食甜品。餐牌上嘅食物款式選擇都多，我一直以黎都對心太軟情有獨鍾，可惜店員話今日嘅心太軟已經售罄。我同朋友想食啲特別小小嘅甜品，唔想食糖水，所以就揀咗竹炭窩夫同紅豆窩夫。食過好多甜品鋪個窩夫都係室温，但呢度嘅窩夫上枱時依然保持熱辣辣，同雪糕一冷一熱，互相配合，口感層次提升，值得一讚。紅豆窩夫入口較香甜，味道冇咩特別。我就比較推薦竹炭窩夫。就算唔加任何配料，窩夫本身都已經好好食，口感鬆軟，有種獨有嘅香氣，而且一啲都唔會甜，味道清新。