原點 (已結業)

由於疫情嘅關係，好耐都冇出街食甜品了。 呢排疫情好轉一點，就出去抖抖氣，享受下個甜品先。估唔到疫情嘅關係，呢間店舖都大排長龍， 喺元朗食甜品嘅小店少之又少， 呢間有台式甜品之餘，仲有西式甜品，甜品比較多元化，感覺好新穎。我叫咗個朱古力心太軟， 即叫即整所以需時等候。 蛋糕熱熱辣辣好軟熟，朱古力爆曬流心醬出嚟， 非常澎湃滿瀉，朱古力又唔會太甜! 蛋糕上面放咗兩小粒棉花糖， 還插了一個店舖名嘅小牌子， 旁邊仲放咗多樣生果粒， 感覺用了不少心思。 另外再配上一個綠茶雪糕， 綠茶味濃，味道唔會太苦太甘，非常滋味。牛乳燒仙草仙草又凍又滑， 芋圓煙韌彈牙， 椰果甜而爽口，再配適量花奶，非常岩我口味。10點鐘食甜品都算早，但係蛋糕奶凍賣剩少量， 可見銷量唔錯。甜品都有套餐，真係第一次見， 又有窩夫食又有梳打飲又唔錯喎。價錢都比較大眾化，款式都算多。