新麻蒲 BBQ (波斯富街) (已結業)

今日幫朋友慶祝畢業,因為聽朋友係銅鑼灣有個韓燒，於是今晚去左食，之前已經想食呢個龍蝦餐，但係一直都無去食，今日終於搵到人一齊去食。前菜呢個絕對值得讚下架，首先前菜係任食嘅，醃羅白都幾爽口，泡菜唔會太辣，芝麻醬沙律又夠晒爽口，都係第一次係韓燒食咁多前菜，感覺都真係唔食其他都飽。龍蝦海鮮豆腐湯龍蝦頭超級多膏，味道有小小辣，而且鮮味十足。龍蝦忌廉意粉你無睇錯呢度嘅龍蝦忌廉意粉真係超多龍蝦架，意粉量又夠晒足，又唔會太漿口燒烤類呢個龍蝦套餐燒烤類嘅食材真係幾豐富下，有牛肉就連龍蝦大大舊都有得食，不過記得唔好燒龍蝦太耐，因為太耐肉質就老了甜品食左咁多野食當然要食番啲甜品中和下喇，呢度嘅甜品唔可以唔提下呢度嘅棉花糖綿綿冰，綿花糖舖在綿綿冰上面，職員會在食客前燒一下綿花糖，等綿花糖變成半溶狀態，綿花糖加上冰咬落去軟綿綿，又唔算太甜，而且量又夠大。