甜入心 (好運中心) (已結業)

有一日男朋友話帶我去食佢童年嘅回憶第一間專食椰子嘅甜品舖，叫--甜入心--我自己都好鍾意食椰子嘅製品😍😍見到餐牌好多選擇，最後心思思揀咗出浴椰皇子同埋一個有芋圓小丸子珍珠仲有雪糕嘅仙草😂椰皇子好有驚喜，面頭嘅焦糖布甸🍮加埋椰汁同埋椰皇啫喱好香椰子味而且甜到啱啱好！而且啖啖椰肉，啱晒懶惰的我哋！反而芋圓豆腐花相對較為失色，感覺啲配料唔係好夾而且都係單獨嘅味道。