2DP (已結業)

今日同朋友去左尖沙咀2DP食個下午茶，主打素食料理，又主推茶品，的確岩哂一班keep fit女生黎食飯架！我地叫左一杯烏龍泡沫奶茶，茶味香濃，加上香滑奶泡，夠哂濃密，配上黑糖珍珠，的確好吸引架！鮮磨腰果露配上湯圓，腰果露冰凍香滑，加上底層有熱辣辣豆腐花，豆味濃香滑溜，腰果味濃夠香！湯丸煙韌好有咬口架！水蜜桃窩夫配茶味雪糕，窩夫即叫即焗好香蛋味，外層鬆脆，配上水蜜桃果肉，香甜夠飽肚！茶味雪糕份量好足，中間夾上朱古力，香濃帶點茶香，雪糕冰感重，又不失茶香。