蘇媽.蘇媽馬來西亞茶餐室 (已結業)

之前經過好多次【蘇媽.蘇媽】、成日都好多人同有其他目標，都無去到，但今次終於去試左。尖沙咀分店同So Bar用同一個鋪位，有機會miss左。一入到去就會有一人一碗肉骨茶，甘甜重藥材味。 豬脚彎肉骨茶：同一個肉骨茶再搭配豬脚，另外再自己點醬汁。豬脚皮彈肉嫩，肉骨茶甘甜。搭配特色醬料一流。肉骨茶可以無限添飲。 高佬麵配鷄扒：高佬麵有D似雲吞細麵再乾炒/乾撈。再配鷄扒、溫泉蛋、參巴醬、花生、魚乾同青瓜。高佬麵好入味、鷄扒皮脆肉嫩、溫泉蛋好creamy，整體不錯。 椰香咖央多士：椰香咖央醬非常流心，多士脆、裏面甜而不膩。 桔仔話梅水：酸酸甜甜微鹹非常開胃 冬瓜龍眼茶：清甜解渴，不過少甜冬瓜味會比較淡