影片
更多
2008-11-24
10 瀏覽
** 此 食 肆 的 第 六 個 OK **尋晚(23-11-08 Sun)去醫院睇完媽媽,有二哥,姪女同爸爸一齊,爸爸話去有次佢o地o係長沙灣廣場o個間食,我o地行出去大路,咁o岩畀我見到呢間,有好多地方o既o野食,如,中,日,台同泰.o岩晒唔同口味o既我o地,爸爸亦同意,我抬頭睇睇呢間叫咩名,啊,原來係’誰是老闆’,呢間就係’誰是老闆’.我o地入去坐o左係一張U形枱,好舒服.姪女要$36.00o既鐵板豬扒餐跟薯菜燒汁,我要$40.00o既鐵板鴛鴦扒餐,要雞扒同龍脷,二哥同冇心情o既爸爸share食,要o左碟$16.00o既蒜茸炒生菜,生炒排骨套餐(其實係冇呢個餐,不過亞姐見爸爸好想咁樣食,於是佢問完後都有,唔該晒.)姪女同我o既鐵板扒餐都到o左,佢有兩件大大件豬扒,佢o地薯條明顯多過我,可能一開頭我為佢問亞姐鐵板係咪跟薯菜,知道佢鍾意食薯條o掛.佢o既豬扒有兩件,都幾大件,而我o既雞扒同龍脷就細件啲,加o左汁後,啲煙好耐都重有,即係個鐵板真係好夠熱.幫姪女切好啲豬扒後,爸爸同二哥都試返件,佢o地話好食.而我o既雞扒同龍脷都不過不失.我o地叫o野飲,其實我o地有留意到鐵板餐包$14.
尋晚(23-11-08 Sun)去醫院睇完媽媽,有二哥,姪女同爸爸一齊,爸爸話去有次佢o地o係長沙灣廣場o個間食,我o地行出去大路,咁o岩畀我見到呢間,有好多地方o既o野食,如,中,日,台同泰.o岩晒唔同口味o既我o地,爸爸亦同意,我抬頭睇睇呢間叫咩名,啊,原來係’誰是老闆’,呢間就係’誰是老闆’.我o地入去坐o左係一張U形枱,好舒服.
姪女要$36.00o既鐵板豬扒餐跟薯菜燒汁,我要$40.00o既鐵板鴛鴦扒餐,要雞扒同龍脷,二哥同冇心情o既爸爸share食,要o左碟$16.00o既蒜茸炒生菜,生炒排骨套餐(其實係冇呢個餐,不過亞姐見爸爸好想咁樣食,於是佢問完後都有,唔該晒.)
姪女同我o既鐵板扒餐都到o左,佢有兩件大大件豬扒,佢o地薯條明顯多過我,可能一開頭我為佢問亞姐鐵板係咪跟薯菜,知道佢鍾意食薯條o掛.佢o既豬扒有兩件,都幾大件,而我o既雞扒同龍脷就細件啲,加o左汁後,啲煙好耐都重有,即係個鐵板真係好夠熱.
幫姪女切好啲豬扒後,爸爸同二哥都試返件,佢o地話好食.而我o既雞扒同龍脷都不過不失.我o地叫o野飲,其實我o地有留意到鐵板餐包$14.00以下o既飲品,姪女又要可樂,亞姐話要加$6.00,我o地話咁唔要喇,點知疼錫姪女o既爸爸問一罐要幾錢?亞姐答加$8.00,爸爸就叫o左一罐畀佢.
而我就食到好口喝,叫杯凍檸水,又要加$6.00.我心諗,究竟有咩係$14.00以下?真係好過去搶.
而爸爸個餐包飲品或湯,二哥揀o左中湯,係老黃瓜煲豬(月展),佢o地都係share呢飲,我冇問佢o地好唔好飲.
之後,蒜茸炒生菜,生炒排骨同一碗白飯都到o黎,但只一碗飯又點夠佢兩個食?於是叫多碗.生炒排骨都幾大碟,顏色都靚,但爸爸同二哥話唔好食,冇豬味又太酸,菠蘿就更酸,汁o既濃度就較得o岩o岩好,唔太稠.
而蒜茸炒生菜o既蒜茸係金蒜,菜都新鮮o既,冇問題.
埋單唔知會唔會係$146.00,覺得唔係幾抵.
環境:
好光猛,好闊落舒適,有大電視睇,我留意到佢o地o既卡位有二人,四人或更多(即U形),覺得好細心,好為客人唔鍾意搭枱設想,呢個好抵讚.但畀七個人坐o既圓枱就細張o左.
不過奇怪佢o地度門唔係落地玻璃門,而上半截係玻璃,下半大部份係鋼,我以為唔係呢個門口或後門,有少少唔敢入去.
服務:
亞姐態度好好,唔知係咪因為呢間餐廳名叫’誰是老闆’,老闆有心用o黎提醒啲員工,再加上牆上掛有聖經o既章節,叫人唔好動怒,有意思.
如果呢o度價錢經濟返啲或食物水準提高啲,相信呢o度會有更多笑面出現.
張貼