抹茶櫻花希臘乳酪芝士蛋糕⭐️⭐️⭐️⭐️
用咗希臘乳酪做嘅芝士蛋糕，質感比平時嘅芝士蛋糕軟，乳酪味道突出，但唔係好甜。蛋糕口感層次分明；首層粉紅色啫喱同香滑櫻花Cream配搭特濃日本抹茶同希臘乳酪，中間仲有紅豆同麻糬，口感超豐富而且只係微甜。
櫻花希臘乳酪特飲⭐️⭐️⭐️
淡淡櫻花香結合希臘乳酪嘅濃郁柔滑口感，仲有些少士多啤梨乾，酸酸甜甜，令整體口感更加豐富。
櫻花奶蓋茶⭐️⭐️
融合茶香、櫻花香同奶香於一身，既有奶蓋嘅順滑綿密口感，又有櫻花茶嘅清新，好特別。
柚子檸檬牛角包窩夫⭐️⭐️⭐️
以牛角包為基底，搭配柚子同檸檬嘅酸甜風味，即叫即製，口感酥脆之餘帶有陣陣清新果香。
