活

營業中

休息中

之前上網睇到話北角活Cafe得到好多好評，於是我都趁今日放假，我都去試一下啦！點知試過之後，呢度嘅環境食物簡直係世一呀！呢度環境好闊落，裝修以白色為主，非常簡潔，而啲枱非常大張，櫈亦坐得好舒服，光線都好充足，好適合喺呢度渡過一個下午！咁我坐低咗之後就開始點嘢食啦！先黎就係煙三文魚牛油果醬蛋窩夫🧇哇！隻雞蛋完全係糖心蛋！原隻煎好放係三文魚上面，三文魚亦都非常之大件！魚肉充滿油脂！配合埋啲牛油果醬一齊食簡直係衝擊味蕾！之後我就食咗個荷蘭大啡菇西西里意大利飯！成個飯有啲香草配搭，令成個飯非常之香同惹味，而啡菇亦非常厚身，味道亦非常之出色！煮得好冧同好入味，成個飯都好好食😋最後飲品都非常不錯👍Espresso Martini 集合左苦甜兩種個味道，口感非常豐富好好飲啊！