Ocio (已結業)

今日同朋友經過葵芳，見到呢間餐廳裝修得都幾唔錯，對於成日行新都會廣場既我，都唔知原來有間咁嘅餐廳，決定一嘗！我地分別見咗兩個晚市套餐，套餐包括左是日餐湯，主食同埋咖啡或者奶茶，我地叫左一個八安士美國香烤安格斯牛翼板肉配薯條同黑松露軟殼蟹意大利飯！先上既係個餐湯，當日嘅餐湯係南瓜湯，味道好新鮮同好raw,感覺好健康，調味不算重！雖然我個重口味朋友覺得略淡，但我反而好鐘意，吾會有味精，飲得出食材既新鮮而主食方面，黑松露軟殼蟹意大利飯相當出色，個軟殼蟹炸得剛好，而個意大利飯又吾會好硬，份量好足，吾錯！而個限量既八安士美國香烤安格斯牛翼板肉，我地叫左5成熟，切落去吾會好難切，食落去吾會咬吾開，顏色粉嫩，而且肉既厚度都有一定份量，仲要配上薯條2個人share食都無問題，值得推薦！飲品方面都好正常，總結一下都幾好，絕對不會伏