影片
更多
2022-10-27
960 瀏覽
今日黎到位於上環既哩間打卡廚師發辦餐廳。餐廳環境具設計感，用上唔同顏色既燈飾及線條佈置，行去廁所既走廊仲設計左一個好靚嘅打卡位📸️餐廳有四款唔同價錢既Omakase，可以因應自己需要作選擇。✨鈴 Suzu Omakase $880🔸先付梅貝類似東風螺咁，肉質爽彈，尾部微甘；水雲質感滑溜，配上土佐酸汁微酸開胃；豆腐軟滑，充滿豆香，再淋上醬汁及素草種子令味道更豐富。🔸蒸物茶碗蒸質感滑溜，上面放有新鮮既蟹肉，亦有冬菇及蔥等配料，非常好食。🔸本日刺身右口魚、北海道白象拔蚌、深海池魚、野生油甘魚、梳子魚右口魚清爽新鮮，魚肉包裹住薑花同餐廳自家製既酸汁啫喱，能夠為刺身增添口感；北海道白象拔蚌經師傅輕拍後質感會更爽彈，上面淋上青檸汁，味道微酸；深海池魚肥厚爽身，經過三日熟成，充滿油脂感，食落去更滑身；野生油甘魚係而家既季節性魚類，同樣厚身肥美；梳子魚輕輕燒過表皮，帶有炙燒香氣。🔸一品料理海鱸魚肉質嫩滑，配上微帶咸香既燒蛋白、茄子及日本青椒仔，再灑上米通，配搭特別。🔸壽司7貫伊佐木、帆立貝、牡丹蝦、手釣池魚、中拖羅、北海道白海膽、海鰻餐廳自家製漬物：柚子蘿蔔、牛蒡及姜伊佐木上面放有餐廳自家製既紫菜醬，帆
餐廳有四款唔同價錢既Omakase，可以因應自己需要作選擇。
✨鈴 Suzu Omakase $880
🔸先付
梅貝類似東風螺咁，肉質爽彈，尾部微甘；水雲質感滑溜，配上土佐酸汁微酸開胃；豆腐軟滑，充滿豆香，再淋上醬汁及素草種子令味道更豐富。
🔸蒸物
茶碗蒸質感滑溜，上面放有新鮮既蟹肉，亦有冬菇及蔥等配料，非常好食。
🔸本日刺身
右口魚、北海道白象拔蚌、深海池魚、野生油甘魚、梳子魚
右口魚清爽新鮮，魚肉包裹住薑花同餐廳自家製既酸汁啫喱，能夠為刺身增添口感；北海道白象拔蚌經師傅輕拍後質感會更爽彈，上面淋上青檸汁，味道微酸；深海池魚肥厚爽身，經過三日熟成，充滿油脂感，食落去更滑身；野生油甘魚係而家既季節性魚類，同樣厚身肥美；梳子魚輕輕燒過表皮，帶有炙燒香氣。
🔸一品料理
海鱸魚肉質嫩滑，配上微帶咸香既燒蛋白、茄子及日本青椒仔，再灑上米通，配搭特別。
🔸壽司7貫
伊佐木、帆立貝、牡丹蝦、手釣池魚、中拖羅、北海道白海膽、海鰻
餐廳自家製漬物：柚子蘿蔔、牛蒡及姜
伊佐木上面放有餐廳自家製既紫菜醬，帆立貝上面放有竹炭鹽，兩者都新鮮肥美；牡丹蝦大隻彈牙，鮮甜好食，上面仲放上已經燒香既蝦膏，非常好食👍🏻手釣池魚肉質較結實，上面有用蘿蔔及昆布製作既漬物，帶有微辣。
而到左味道較濃既魚會改用赤醋飯。中拖羅充滿油脂香，完全無筋；北海道白海膽夠曬香甜creamy，非常好食👍🏻海鰻柔軟無骨，相當高質素！
🔸汁物：麵豉湯
🔸甜品：雪糕
餐廳既甜品非常特別，係芝士味既雪糕再加上Oreo粉，係出面真係好少見到。
整體黎講，餐廳環境舒適，適合打卡，侍應服務好好，食材亦新鮮，鍾意食廚師發板既，可以一試。
張貼
