影片
更多
2023-02-03
72 瀏覽
🌟餐廳：浜滝📍地址：九龍城福佬村道59號地下A舖💰價位：～$200 - $400⏰營業時間：星期一至四 12:00 - 15:00 / 18:00 - 00:00 & 星期五 12:00 - 15:00 / 18:00 - 02:00 & 星期六日及公眾假期 12:00 - 02:00📱電話：2386 5055九龍城一向出名多美食，多元化之餘又夠集中~朋友就約左我今晚去試下呢間人氣居酒屋「浜滝」，餐廳主打日式傳統居酒屋料理，提供各款時令日本直送刺身、串燒、鍋物、佐酒小吃等等，應有盡有，等我同大家開心SHARE下啦!———————————————————🔹關東風菠菜芝麻沙律先黎個頭盤沙律熱下身先~菠菜新鮮爽嫩，凍食一流，搭配餐廳自家調制既芝麻醬再灑上櫻花蝦，口感味道一流，食落都幾清新又開胃！———————————————————🔹鳥取直送鮮劍魚腩劍魚腩每日由日本直送，新鮮得黎，質素有保証~厚切大大塊，入口啖啖肉油脂味十足，正~———————————————————🔹芥末牛油果海老餅呢個配搭幾創新而且仲出奇地夾！餐廳將牛油果蓉、蝦肉、芥末醬等混合，再加入櫻花蝦及香蔥碎，配以餅乾同食，感覺好
📍地址：九龍城福佬村道59號地下A舖
💰價位：～$200 - $400
⏰營業時間：星期一至四 12:00 - 15:00 / 18:00 - 00:00 & 星期五 12:00 - 15:00 / 18:00 - 02:00 & 星期六日及公眾假期 12:00 - 02:00
📱電話：2386 5055
九龍城一向出名多美食，多元化之餘又夠集中~朋友就約左我今晚去試下呢間人氣居酒屋「浜滝」，餐廳主打日式傳統居酒屋料理，提供各款時令日本直送刺身、串燒、鍋物、佐酒小吃等等，應有盡有，等我同大家開心SHARE下啦!
———————————————————
🔹關東風菠菜芝麻沙律
先黎個頭盤沙律熱下身先~
菠菜新鮮爽嫩，凍食一流，搭配餐廳自家調制既芝麻醬再灑上櫻花蝦，口感味道一流，食落都幾清新又開胃！
———————————————————
🔹鳥取直送鮮劍魚腩
劍魚腩每日由日本直送，新鮮得黎，質素有保証~厚切大大塊，入口啖啖肉油脂味十足，正~
———————————————————
🔹芥末牛油果海老餅
呢個配搭幾創新而且仲出奇地夾！餐廳將牛油果蓉、蝦肉、芥末醬等混合，再加入櫻花蝦及香蔥碎，配以餅乾同食，感覺好似食墨西哥Nachos咁，好得意！大推呢款材料豐富而且口感十足又惹味既菜式！
———————————————————
🔹燒活鮑魚
以鹽燒手法處理，入口帶有海鹽既咸味，更能提升活鮑魚本身既鮮味，食落咸香味十足而且肉質爽彈！
———————————————————
🔹韮菜豚肉串
上菜時香氣十足~餐廳安排左日本師傅坐陣主理日式串燒，每款都香氣撲鼻，火喉十足！呢款韮菜豚肉串，外層既豚肉烤至焦脆，肉身仍保留豚肉既油香，內層既韮菜索收豚肉既肉汁精華，食落好滿足～
———————————————————
🔹花魚一夜干
花魚魚肉厚身，輕輕用鹽醃制已經鮮味十足～搭配埋酸汁及蘿蔔蓉，層次感更豐富！
———————————————————
🔹花田鍋 (葡萄豚)
最後我地以一個鍋物暖暖胃作結～呢款花田鍋夠晒健康，入邊放滿大量津白及粟米粒，再配以肉質爽嫩既葡萄豚，湯底好清甜又暖胃！
———————————————————
😋味道：4/5
🏢環境：4/5
💁🏻♀️服務：4/5
💵價錢：4/5
🤟🏻性價比：4/5
———————————————————
👅整體小總結
餐廳走日系居酒屋路線，食物種類好豐富！主打新鮮日本豐洲直送海鮮，每日黃昏直送時令海鮮到店，夠哂新鮮！特別一讚呢度既環境裝修都參照日本居酒屋風格裝修，滿佈日式漁村旗幟，氣氛好好，岩哂約哂朋友黎呢度chill 一 chill！
張貼
