得龍大飯店 (已搬遷) 新店位置

早前睇過這裡的食評﹐可謂有口皆碑﹐於是前幾晚和大佬一同專程來這邊試試。還未到門口﹐剛剛看到廚房中門大開﹐不看尤自可﹐一看就驚﹕簡單來講就係滿地垃圾及污水。明顯見到好多食物殘渣係地上﹐而地下都係濕立立的污水。雖然大家都會覺得「香港D粵式酒樓飯店」唔慌乾淨得去邊﹐但就果日所見﹐可算係我一生人之中見過最恐怖的廚房之一。見到呢個奇景﹐原先的期待都一掃而空﹐所以最後我地都無入去。無食過﹐當然無得評好唔好食﹐所以有關的項目都唔評分或俾喊樣。或者有人覺得咁耐都唔見有人食完肚痛就等如無事啦﹐無謂「挑剔」太多﹐但我覺得衛生情況如此差﹐始終係會有潛在問題。希望有關人士正視一下衛生問題﹐就可以令人食得更放心。