囍公館 (已結業)

📍囍公館同朋友行完M+, 一身充滿藝術氣息，感覺成個人個提升左😂但行完都見攰嘅，始終血肉之軀，咁就當然要搵個地方休息下，飲杯嘢，補充一元氣😂見附近囍公館環境幾靚，就去試佢個tea sets 星期六都好多人，門口坐滿帶埋寵物嚟嘅客人，入到餐廳非常寬敞，冷氣夠又通流，好舒服，坐近玻璃位，遠遠出面草地，好輕鬆自在。Tea sets 包 menu 內任何飲品，加份炸雞份量剛剛好夠補充體力，又可以舒舒服服休息Purple Mango Smoothie兩杯嘢飲顏色好靚，打卡一流炸雞，即炸上枱，微辣香脆，肉嫩有汁，越食越惹味。Tea sets 架底層 柚子雪靶，柚子味清新，彩虹芝士蛋糕，賣相極之吸引，芝士味香濃。中層 千層酥, tiramisu, 奶凍, 抹茶馬卡龍頂層 果凍乳酪慕絲、士多啤梨雪條、朱力盆裁、朱古蛋糕每樣都唔會太甜，賣相精緻，香甜美味。