金不換泰國餐廳 (已搬遷) 新店位置

星期六同朋友一家大細去左食晚飯, 我地叫左小食拼盤, 入面有蝦餅, 魚餅同埋荷葉雞, 幾樣野都幾好味, 我最鐘意個蝦餅, 因為夠大舊, 另外飲左個冬蔭公湯, 幾好飲, 但我覺得都算幾辣但唔夠熱, 所以唔夠激, 另外叫左柚子沙律, 呢個好好味好清新, 柚子亦好甜唔酸。大伙兒仲有叫左生蝦, 蝦醬炒飯, 咸魚炒芥蘭, 最後唔少得芒果糯米飯, 芒果好甜, 糯米飯熱辣辣, 呢個最好味, 環境同服務都幾好, 價錢亦唔算貴, 想坐得舒服又想食泰國野都可以考慮呢間。