Still

營業中

休息中

Still環境好骨子舒適，食物精緻且美味，融入日式風味嘅西班牙菜，真心唔錯嘅lunch之選☺️lunch menu會每個月轉一次款，大約月中左右。set包湯/沙律，餐飲，其實幾抵食！是日餐湯係蕃茄忌廉湯，沙律就黑醋汁紅菜頭沙律。兩款味道都令人好開胃。甲羅燒蟹肉西班牙飯，呢碟飯驚喜在於混合左日式嘅甲羅燒，啲蟹肉好新鮮，真係啖啖肉，仲要係好滿蟹膏架🤩而個西班牙飯底又夠多汁，配合蕃茄同青椒味，覺得好香好好食！什菌沙嗲墨西哥夾餅，發現自己好多年冇食過出自墨西哥嘅quesadilla,所以即嗌左！個面係脆卜卜架，切開會見到內裏餡料好滿，有大量什菌同瓜，健康又惹味🤓甜品有Churros!外脆內軟，堅整得出色！！！😍