影片
更多
2021-09-28
34 瀏覽
掛住食.....一張相都無影tim🙄咁就係咁2 講下是日lunch 食左d 咩la。。。3人行既lunch 有:老火湯 - 真材實料，無味精，飲完都唔口渴。鮑汁鳳爪 - 份量比想像中多，雞腳好淋，入曬味，例牌花生鋪底，花生唔係淋曬果種，仲有咬口ga。春卷 - 呢個春卷實際上叫咩名唔記得左勒，但絕對有驚喜，外皮夠脆餡料夠彈牙好味，上碟時係用玻璃容器黎裝，爭d以為去左西餐廳tim....塩燒茄子 - 本身以為佢係一碟炒茄子，恕我孤陋寡聞，上枱後先知原來係炸茄子，除左佢係長條形之外，其實外表有d 似個金沙脆豆腐，食落外脆內軟，一d 都唔油膩。金沙脆豆腐 - 如上，外脆內軟，除左好味，唔知可以用咩形容詞勒，佢呢到既炸物，真係做得相當唔錯。脆皮焗叉燒包 - 外表似菠蘿包既叉燒包，鬆脆既外皮，包住熱辣辣既叉燒餡.....自己想像.....XO 醬炒腸粉 - 除左好咸，都係好咸🙈荷葉鮮沙薑陳皮生煎雞焗飯 - hmm, 最期待，但又最失望😥....無荷葉既香味，亦食唔到陳皮味， 沙薑味反而最重，但只限係個雞到，個飯入唔到味，同食沙薑汁撈白飯無咩分別...🤨點解會咁既.........失望。其實大家如果
咁就係咁2 講下是日lunch 食左d 咩la。。。
3人行既lunch 有:
老火湯 - 真材實料，無味精，飲完都唔口渴。
鮑汁鳳爪 - 份量比想像中多，雞腳好淋，入曬味，例牌花生鋪底，花生唔係淋曬果種，仲有咬口ga。
春卷 - 呢個春卷實際上叫咩名唔記得左勒，但絕對有驚喜，外皮夠脆餡料夠彈牙好味，上碟時係用玻璃容器黎裝，爭d以為去左西餐廳tim....
塩燒茄子 - 本身以為佢係一碟炒茄子，恕我孤陋寡聞，上枱後先知原來係炸茄子，除左佢係長條形之外，其實外表有d 似個金沙脆豆腐，食落外脆內軟，一d 都唔油膩。
金沙脆豆腐 - 如上，外脆內軟，除左好味，唔知可以用咩形容詞勒，佢呢到既炸物，真係做得相當唔錯。
脆皮焗叉燒包 - 外表似菠蘿包既叉燒包，鬆脆既外皮，包住熱辣辣既叉燒餡.....自己想像.....
XO 醬炒腸粉 - 除左好咸，都係好咸🙈
荷葉鮮沙薑陳皮生煎雞焗飯 - hmm, 最期待，但又最失望😥....無荷葉既香味，亦食唔到陳皮味， 沙薑味反而最重，但只限係個雞到，個飯入唔到味，同食沙薑汁撈白飯無咩分別...🤨點解會咁既.........失望。
其實大家如果lunch 去食，都可以考慮佢既lunch set, 性價比高d....但當然可能食唔到自己想食既野，要權衡下lei.....
張貼