鉄人大盛 (已結業)

有一日收工想去食放題啊，於是就約咗個朋友一齊去尖沙咀食放題啦，一入到去呢間放題間餐廳地方好大啊，我哋兩個人去食，噉個侍應安排咗一張四人枱畀我哋啊，張枱又大坐得又舒服，坐低之後，噉我哋就點野食喇，噉個侍應提我哋刺身唔使點，佢哋會比一盤我哋嘅，嚟到之後嗰盤刺身好大蝶，好，乜嘢刺身都有，啲三文魚又夠厚，又夠新鮮，我最鍾意食三文魚刺身，噉我朋友就最鍾意食帶子刺身。噉我哋點咗好多野食，有幾樣必食推介嘅，就係一口牛，牛舌，蒲燒鰻魚。另外想講下呢度啲雪糕，系haagen~dazs，總共有五隻味，我揀咗兩隻來食，一隻係曲奇味，另外一隻系朱古力味，兩隻都好食啊。整體嚟講哩間餐廳的食物，同埋坐嘅環境都係唔錯嘅，值得一試啊。