茶。家 (已結業)

呢間Cafe一直都好出名，今日終於有機會試吓。個環境好舒服，可以慢慢Hea下。本身想試佢嘅奶茶但係因為依排瞓得唔係太好，所以就叫做洛神花薄荷茶。佢係一個茶壺載着洛神花同薄荷葉。冇落糖嘅關係，飲啦係比較酸，帶啲果香，同埋清新嘅薄荷味，飲落好舒服。見到佢啲蛋糕同scone睇落好吸引下次要試吓先。當我飲晒啲茶之後店員仲幫我refill啲熱水。另外見到如果自己帶杯嘅話可以減＄5。大概一點左右就開始多人，除咗附近返工嘅人之外，仲有啲遊客。