德國餐廳 (海天晉匯)

營業中

休息中

平時比較少去呢一邊，原來開咗 Das Bier。呢間嘅分店裝修幾有風格，另外仲有户外範圍可以係出面吹吹風，感覺唔錯。每次必點德國鹹豬手，等侯時間唔會太耐，大約8分鐘已經上菜。豬手皮層脆卜卜，外表看來略為乾身，但入口肉質幼滑，仲唔會有膻味。呢個價錢嚟講，性價比好高。另外再追加咗羅馬生菜包牛小扒。牛扒份量唔會太多，切成小件。牛肉味香濃，而且仲保留住肉汁。用羅馬生菜包住食感覺更 fresh 。中間有一小碟醬，鹹鹹辣辣辣。不過我更加鍾意原汁原味，唔加醬，更加食到牛肉嘅香。