名館 (希慎廣場) (已結業)

名館 (希慎廣場) (銅鑼灣).🔹京川汁秋葵/陳醋手拍青瓜🔹.涼拌開胃，京川汁似平日食手拍青瓜嘅汁，酸酸甜甜，好開胃，秋葵都好新鮮爽口； 青瓜好新鮮，冰凍爽口，仲好多件.🔹冰鎮鮮菠蘿咕嚕肉🍍🔹.原隻一上枱煙霧彌漫，係乾冰效果好igable🤣冰鎮咕嚕肉想做到外凍保持脆，但的確凍食就唔會有肥膩感，伴有三色椒🫑加菠蘿肉.🔹豆豉鯪魚炒包心菜🔹.呢個幾驚喜，豆豉鯪魚炒油麥菜食得多，包心菜都好夾，濃味嘅前者配後者，仍然好入味同包心菜好爽口.🔹招牌酸菜滑魚片🔹.呢到嘅招牌特色菜之一，個鍋望到都忍唔住影多幾張相同左店員講小辣，魚片係勁滑，入面食食下再發現原來有黃芽白菜，少量寬粉等，個湯又夠酸，不錯！(⁎⁍̴̛ᴗ⁍̴̛⁎).🔹石鍋鮑魚炆雞🔹.石鍋上保持熱辣辣，雞件入味又惗身，有好夠鮑魚仔，細粒但有咬口.🔹金銀蒜粉絲蒸扇貝🔹.又係呢一樣冇得輸嘅菜式，大量蒜蓉鋪係面，又有大量粉絲好入味🥰.🔹石鍋鮑魚雞粒炒飯🔹.呢個飯好惹味，粒粒分明，乾身，同樣有大量小鮑魚！.🔹十三么🔹.呢個甜品賣相上同埋gimmick都好好，十三么食糊嘅糕點，其實即係椰汁糕加桂花糕，我地每人揀食邊隻牌揀得好開心——————————————————