影片
更多
2011-11-09
120 瀏覽
7月22日, 今晚去咗行megabox, 順便開埋餐~ 都已經試過唔少呢度嘅餐廳, 本來係想試下新開嘅味吉拉麵, 不過有排等位, 行下行下見到呢間專開喺UA戲院隔離嘅泰國菜~ 環境ok又唔洗等位, 所以就入去試下~::: 蒜茸炒雜菜 ::: $62食泰菜經常都會點嘅一樣~ 簡簡單單一個炒菜已經可以睇下師傅手勢正唔正宗! 呢碟炒雜菜菜類都算豐富, 芥蘭、西蘭花、椰菜花、紅蘿蔔、粟米仔、甜豆等樣樣有d~ 其實炒菜蒜茸味唔差, 但就炒得有d過淋, 同埋一d都唔泰式.::: 香葉包雞 ::: $52一碟六件, 仲要都件件都幾大舊, 平時我地兩個人出街食飯真係好少嗌~ 不過見佢有係是日推介兼有推廣價, 就叫咗碟試下! d雞都幾油, 不過就醃得好入味~ 香濃啖啖肉, 淨食送酒送飯皆一流! 唯一缺點係真係太油膩!::: 黃咖哩牛肉 ::: $72呢個黃咖哩好馬來式, 質地頗杰, 味道香甜少辣, 好重椰奶味. 牛肉都係梳打肉喇, 夠嫩滑但就無乜肉味, 全靠咖哩幫忙點綴~ 另仲有洋蔥同薯仔, 都煮得夠淋兼入味, 都算幾好食~::: 薄餅 ::: $15薄餅份量反而比較少, 薄薄地, 欠了一份香脆鬆化.
::: 蒜茸炒雜菜 ::: $62
食泰菜經常都會點嘅一樣~ 簡簡單單一個炒菜已經可以睇下師傅手勢正唔正宗! 呢碟炒雜菜菜類都算豐富, 芥蘭、西蘭花、椰菜花、紅蘿蔔、粟米仔、甜豆等樣樣有d~ 其實炒菜蒜茸味唔差, 但就炒得有d過淋, 同埋一d都唔泰式.
::: 香葉包雞 ::: $52一碟六件, 仲要都件件都幾大舊, 平時我地兩個人出街食飯真係好少嗌~ 不過見佢有係是日推介兼有推廣價, 就叫咗碟試下! d雞都幾油, 不過就醃得好入味~ 香濃啖啖肉, 淨食送酒送飯皆一流! 唯一缺點係真係太油膩!
::: 黃咖哩牛肉 ::: $72呢個黃咖哩好馬來式, 質地頗杰, 味道香甜少辣, 好重椰奶味. 牛肉都係梳打肉喇, 夠嫩滑但就無乜肉味, 全靠咖哩幫忙點綴~ 另仲有洋蔥同薯仔, 都煮得夠淋兼入味, 都算幾好食~
::: 薄餅 ::: $15薄餅份量反而比較少, 薄薄地, 欠了一份香脆鬆化. 不過點咖哩食, 都不過不失啦!
環境氣氛唔錯, 服務都幾殷勤, 只是食物質素一般般~ 可以一試嘅, 當食餐舒舒服服嘅晚飯都唔錯~張貼
