二人套餐：
椰汁鷄湯：好泰式feel，原個鐵爐上，有火熱住，唔怕凍曬。裏面鷄肉同蘑菇都好多，椰汁味都算重，不過有D偏酸。
青木瓜沙律：因爲呢道菜唔係到到都有得食，所以見佢有就叫。分量都算大，而且好清新開胃，青木瓜都食得出好新鮮，但都係偏酸。
原隻鹵水豬手：個分量真係大到嚇死人！本身睇顔色以爲佢會鹵到好鹹，但好在又唔會。D肉超級嫩超級入味，而個豬皮好多膠原蛋白。如果有一碗白飯或者麵，應該會好正。
泰式炒雜菜：其實分量好多，而且有好多種唔同蔬菜。但調味實在太鹹啦，食左兩、三舊已經食唔到。如果調整下個調味會好D
泰式鮮蝦炒金邊粉：算係火候同分量都唔錯既炒金邊粉，鮮蝦爽脆鮮甜，金邊粉唔會好油同好濕。不過都係味道偏濃，應該係旁邊付上調味料俾我地自己調味。
飲品
芒果糯米飯：其實都好新鮮，而且芒果都ok甜。不過糯米飯入面幾乎無味，椰汁都太稀同太少。有D失望
【泰Thaiology】整體調味都偏濃同酸，覺得鍾意重口味既人會比較適合。但自己本身屬於食得偏清淡一D就唔係太岩。同埋可能宜家新開，調味未拿捏得好。希望之後會有改善。
