滿屋廚房 (已結業)

行荷里活行左無數咁多次，第一次試呢間店，星期六8點幾竟然唔使排隊，即時搵個位食晚餐先。首先講下環境，地方乾淨夠光亮，空間夠大，座位舒適，唔會好嘈，適合傾計聚會，但全場座位廿幾個左右，多人會難搵位。食物價錢相宜，沙律$38，加大大塊雞扒只係10幾蚊，飲品都好平，花茶類$18，咖啡$25，絕對係平價之選。價錢平得來，食物質素都唔錯，雞扒唔會過燶過咸，都幾美味，沙律材料夠豐富，有芝士、肉碎、蛋、乾面包粒等等，但咖啡就有改善既空間，味道有d澀。