越北牛肉粉專門店 (已結業)

中午去土瓜灣搵朋友食午餐，由於朋友住土瓜灣，所以由佢揀食咩。因為我地都好耐無食越南野，所以最後揀左越北。我地接近2點先食，所以去到時人唔算多，唔駛等，即刻有位。而且有卡位，坐得比較舒服。環境都舒服，安靜，好啱食野傾計。我地都叫左撈檬，份量好足😁，可惜用黎撈檬個汁好淡，唔夠味。個雞翼同豬扒都係香茅醃制，味道本身係香既，可惜過咸。😓佢炸得剛剛好，唔會炸到太乾身，如果唔係咁咸就好喇。另外我地叫左個無骨鳳爪，份量唔算多，夠辣，酸味唔夠。叫左2杯熱既咸吉水，潤喉。👍呢餐2個人，埋單$149