影片
更多
2022-05-22
304 瀏覽
上次食完外賣串燒，有啲到喉唔到肺，所以今晚專登再去食串燒。今次收咗工嚟荃灣，以前收工成日嚟呢區食野，因為貪餐廳集中而且種類選擇多。今晚揀咗呢間「共度一燒」，剩係個名已經好好feel 。入坐後店員很有禮貌招待。我大概晚上9㸃左右來到，店舖仍坐滿人客，店員忙完後過來問候為什麼這麼夜才來，可能大家幾啱傾，吹吹下水，店員居然還熱情說免費請我飲嘢。餐廳雖小，但整體裝修及座位都十分優雅舒適。時間及情況容許，本人極力建議大家要堂食勿外賣。餐牌食物種類多元化，而且價格不高，但品質十分高又好味道，上枱時已經濃濃香味撲鼻，難怪咁晏仍高朋滿座。除串燒，仲有酸辣粉，而且有我至愛嘅啤酒。「牛舌心」（$28）勁抵食，仲要係厚切，肉厚多汁好味。 「香辣牛肋串」（$20）、「五花腩串」（$20）、「京葱肥牛卷」（$20）全部都只係二十蚊，串埋醃好燒埋，真係邊度揾，最緊要係火喉燒到剛好，好食。「牛仔骨」（$42），大大件燒得好惹味。至於那個「一口蕃薯」（$18/2串），一口一粒，非常香甜。「秋葵」（$16）加入適量調味料，超正。食串燒當然要配番杯冰凍啤酒，先來杯1664白生啤，鍾意佢帶有果香，超愛飲。之後再encore
今晚揀咗呢間「共度一燒」，剩係個名已經好好feel 。入坐後店員很有禮貌招待。我大概晚上9㸃左右來到，店舖仍坐滿人客，店員忙完後過來問候為什麼這麼夜才來，可能大家幾啱傾，吹吹下水，店員居然還熱情說免費請我飲嘢。
餐廳雖小，但整體裝修及座位都十分優雅舒適。時間及情況容許，本人極力建議大家要堂食勿外賣。
餐牌食物種類多元化，而且價格不高，但品質十分高又好味道，上枱時已經濃濃香味撲鼻，難怪咁晏仍高朋滿座。除串燒，仲有酸辣粉，而且有我至愛嘅啤酒。
「牛舌心」（$28）勁抵食，仲要係厚切，肉厚多汁好味。 「香辣牛肋串」（$20）、「五花腩串」（$20）、「京葱肥牛卷」（$20）全部都只係二十蚊，串埋醃好燒埋，真係邊度揾，最緊要係火喉燒到剛好，好食。
「牛仔骨」（$42），大大件燒得好惹味。至於那個「一口蕃薯」（$18/2串），一口一粒，非常香甜。
「秋葵」（$16）加入適量調味料，超正。
食串燒當然要配番杯冰凍啤酒，先來杯1664白生啤，鍾意佢帶有果香，超愛飲。之後再encore 多一支支艾丁格小麥白啤酒，也是相當不錯。
飲下食下，同店員吹下，慢慢享受了相當滿意的一餐。晚上近10㸃還有人客，閑聊中知悉疫情下店員只是來幫忙朋友工作，因為本身是旅遊從業員，但近期停頓了，祝願呢位店員能盡快歸回自己愛好行業，亦希望大家生活可以回復正常。
最後店員居然當真不收酒錢，但我也堅持要付酒錢，僵持之下最後店員放了酒錢入捐款箱。
一個十分盡興的晚上，一間值得推薦的小店。希望多啲人支持。
張貼
