泰閣 (已結業)

泰閣位於彌敦道一間小型酒店既一樓，由於唔顯眼，所以唔多人，lunchtime都一定有位。卡位坐得寬落舒服，冷氣充足，大熱天時食泰菜唔怕成身汗。中午有個人套餐同多人套餐，個人套餐價錢大概$6x，再另有加一服務費。包一杯飲品同一個主菜。食一個lunch大概$7x，以油麻地價錢黎講，價錢稍貴。黃咖喱牛腩配白飯，$68。咖喱上檯時熱辣辣，讚。咖喱好香，唔會水稀稀，又唔會好辣，怕辣既朋友都可以食到。牛腩切得好大舊，好彩唔會好鞋好痴牙，配埋咖喱汁，超好送飯。跟一兩舊牛根，不過好膩口，牛腩好食好多。薯仔，入味。洋蔥是驚喜，切得細細塊，好容易入口。煮完都有脆度，好味！跟餐紅花茶，唔洗加錢。酸酸甜甜，非常解渴舒服，好好飲！唔鍾意凍既，都有熱紅花茶。