更多
2022-03-25
265 瀏覽
牧羊少年咖啡館|銅鑼灣凍玫瑰可可朱古力杯嘢飲賣相好靚😍有兩層效果, 下層係玫瑰味嘅牛奶,上層就係意大利朱古力🍫由於加咗忌廉煮成,所以入口非常香濃幼滑之餘,亦飲得出帶有陣陣淡淡嘅玫瑰花味🌹朱古力味唔怕太搶,兩者平衡得幾好,不過如果就咁飲下層嘅玫瑰牛奶就會覺得甜咗少少,面頭仲有一層邪惡嘅忌廉🤤帶有好重嘅奶香味,上面仲灑上咗可可粉同幾片花瓣作點綴,而且啲花瓣食落口都真係有玫瑰味😂黃金鹹蛋忌廉鳳尾蝦意大利粉一嚟到已經聞到陣陣嘅鹹蛋黃香氣,面頭仲灑上左一啲鹹蛋黃碎,意粉唔怕煮得過惗😌每條都沾滿左creamy嘅醬汁,亦有一啲翠玉瓜粒增加口感😋不過食落口鹹蛋黃嘅味道就冇咁突出,反而食到啲香茅嘅味道,變咗帶有少少東南亞風味🤔鳳尾蝦就有四隻,都幾大隻爽口,整體而言都值得一試。法式蘋果撻配雲呢拿雪糕呢個係即叫即焗,所以都等咗一陣,酥皮上面鋪滿左一片片嘅蘋果🍎啲蘋果片都切得好薄,絕對係心機之作,塊酥皮烤得十分酥脆(連個底都係脆😋)配上酸甜嘅蘋果非常之夾,配埋雲呢拿雪糕冷熱交融嘅口感更加正😋不過啲蘋果片就無事先煮過,同埋食嘅時候就比較容易散出嚟😟建議蘋果同酥皮之間可以加翻層煮過嘅玉桂蘋果內餡或者吉士醬,味道就
凍玫瑰可可朱古力
杯嘢飲賣相好靚😍有兩層效果, 下層係玫瑰味嘅牛奶,上層就係意大利朱古力🍫由於加咗忌廉煮成,所以入口非常香濃幼滑之餘,亦飲得出帶有陣陣淡淡嘅玫瑰花味🌹朱古力味唔怕太搶,兩者平衡得幾好,不過如果就咁飲下層嘅玫瑰牛奶就會覺得甜咗少少,面頭仲有一層邪惡嘅忌廉🤤帶有好重嘅奶香味,上面仲灑上咗可可粉同幾片花瓣作點綴,而且啲花瓣食落口都真係有玫瑰味😂
黃金鹹蛋忌廉鳳尾蝦意大利粉
一嚟到已經聞到陣陣嘅鹹蛋黃香氣,面頭仲灑上左一啲鹹蛋黃碎,意粉唔怕煮得過惗😌每條都沾滿左creamy嘅醬汁,亦有一啲翠玉瓜粒增加口感😋不過食落口鹹蛋黃嘅味道就冇咁突出,反而食到啲香茅嘅味道,變咗帶有少少東南亞風味🤔鳳尾蝦就有四隻,都幾大隻爽口,整體而言都值得一試。
法式蘋果撻配雲呢拿雪糕
呢個係即叫即焗,所以都等咗一陣,酥皮上面鋪滿左一片片嘅蘋果🍎啲蘋果片都切得好薄,絕對係心機之作,塊酥皮烤得十分酥脆(連個底都係脆😋)配上酸甜嘅蘋果非常之夾,配埋雲呢拿雪糕冷熱交融嘅口感更加正😋不過啲蘋果片就無事先煮過,同埋食嘅時候就比較容易散出嚟😟建議蘋果同酥皮之間可以加翻層煮過嘅玉桂蘋果內餡或者吉士醬,味道就會冇咁單調。
是日蛋糕 (Honey Cake)
餐廳每日都會提供幾款是日蛋糕,我地就叫咗比較特別嘅honey cake🍯第一次見到呢種蜂蜜蛋糕,佢嘅賣相同千層蛋糕非常相似google咗先知原來呢隻係俄式蜂蜜蛋糕🍰應該係加咗紅糖嘅關係,蛋糕體呈深啡色,有少少聖誕蛋糕嗰種果仁味,入面嘅夾心雖然都係淺黃色,但係入口嘅口感有啲唔同,一款似係加咗牛油嘅忌廉,另一款就比較黏口🤔不過都淨係食到甜甜地嘅味道,不太食得出係咩味,更加食唔到蜂蜜味😂值得一讚嘅係面頭有一層磨成粉狀嘅蛋糕碎,令口感更加豐富👍🏻
41 瀏覽
1 讚好
0 留言
18 瀏覽
0 讚好
0 留言
14 瀏覽
0 讚好
0 留言
14 瀏覽
1 讚好
0 留言
張貼