Thai Fire

天最適合食泰國菜，最近就同fd去左位於觀塘bookmark左好耐既【Thai Fire】。餐廳位置寬鬆、唔算好多人流。同一班fd聚會一流。青木瓜沙律：爽脆青木瓜絲配番茄、花生、炸蒜同辣椒，酸辣開胃！魚露同青檸汁調味啱啱好，有少少辣、夏天食超refreshing。椰汁鷄湯：湯底香濃滑溜，椰奶味突出但唔會膩，雞肉嫩滑，仲有各種蘑菇同香茅增添風味。飲完成個人都暖笠笠～炸物拼盤：包括咖喱角、魚餅、蝦餅、香茅鷄翼。魚餅彈牙有香茅味，點甜辣醬更惹味、蝦餅真材實料蝦肉，炸到金黃脆身。拼盤份量足，一次過試晒多款泰式小食！泰火醬雞粒炒飯：炒飯鑊氣十足，雞粒嫩滑，泰火特製醬香辣惹味、有少少蝦醬feel。彩虹千層糕：顏色繽紛好吸睛！層層軟糯，椰香濃郁，甜度適中。綠奶：綠奶滑甜度剛好，飲落有淡淡茉莉花花香泰火特飲：打卡必點！蝶豆花天然藍色漸層好夢幻，玫瑰糖漿香甜，小熊冰融化都唔會淡味。味道清新，影相一流～