208 Duecento Otto (已結業)

一排無寫，先寫呢間都新新地既餐廳先啦。環境非常一流，唔係金碧輝煌果個靚味，而係果種香港好少見的型格裝修，昏暗得黎，所有佈置都好清楚咁比客睇到，企企理理咁，唔錯。薄餅其實唔錯，底夠薄，焗得漲卜卜，麵粉有香氣，芝士夠香，其實樣樣都做得好好，就係有樣唔好，太焦啦，焗得太耐，而且餡料實在多得有點兒過份，未拿上手已經軟晒。最好係薄餅，唯一好食既亦都係薄餅，其他既菜式好似意粉就實在太腍，頭盤水牛芝士就無咩味，甜品叫左個類似麵包布甸既物體，乾到呢...至於好多人話唔好既服務，坦白講丫，成場都係鬼佬客，香港人入去會有一流招呼就講都唔好信啦，咁起碼都有人理，食物齊，都算做左基本野既。實在好難判斷會唔會再黎。