新明發食家 (已結業)

今日我哋起海濱公園出番嚟都成9點幾，望吓周圍附近D食店都好似就收工咁，唯獨新明發依間門口重有放住熱辣辣既盅頭飯，我哋已經好肚餓，見到仲有嘢食就衝咗入去。 一入去未坐底就每人叫咗一個盅頭排骨飯，加凍檸檬茶。 等緊上菜之際，我哋先留意到有不速之客飛飛吓，我哋心感不妙再望吓地下，噢!!! 枱底滿地都係垃圾呀；心諗… 快D食完就快D走。 盅頭飯嚟喇，我哋先將飯餸分開。個飯有點硬，似蒸得過了時間。飯汁鮮味。排骨夠味，但骨多過肉。 凍檸檬茶夠冰夠茶味，但偏甜。