夏雪 (已結業)

今次嚟到西環呢間好有格調嘅cafe食野, 呢度非常就腳, 堅尼地城站出閘後行一陣就到。甫一入去, 就覺得呢度嘅裝潢真係相當唔錯, 環境相當舒服, 好有慢活嘅感覺。呢度嘅Waffle係比較出名嘅, 今次亦都係專程嚟食Waffle, 我點左一個紫薯窩夫, 呢個窩夫相當好味, 係呢度嘅招牌菜之一, 有足料嘅紫薯餡同埋真豆腐雪糕, 甜度亦適中, 再加上伴碟嘅哈蜜瓜, 整體格調相當之高貴優雅。除左Waffle之外, 我點左一杯竹炭黑芝麻牛奶, 亦都係相當驚喜。呢杯黑芝麻牛奶嘅奶味極濃, 滑得嚟又唔會太甜, 加上味道偏淡嘅黑芝麻味道, 熱呼呼的相當暖胃又開胃。由於呢度實在太好坐太舒服, 坐坐下決定響度食埋飯。我加點左一客全日夏雪 All day Summer Light Set ($48), 呢個 all day set 有窩夫、沙律菜、榛子醬、焗薯同埋煙肉, 種類相當之豐富。另外再加點左牛角色餐同一客精選意粉, 全部食物都非常高水準, 能夠在呢個坐得咁舒服嘅環境之下享受到呢d美食, 真係一件相當幸福嘅事。