有咁靚嘅環境，當然價格都會相對貴少少，同埋用膳時間比較短，未能好好享受美景。雖然有少少可惜，不過都明白宜家做生意唔容易。
我哋點咗以下幾款菜式：
🎖️黑松露薯條
薯條新鮮熱辣辣，黑松露醬味道濃郁。
🎖️波士頓龍蝦·茴香·雙色椰菜花·橙柳·芥末醬·吐司
龍蝦肉香，調味出色，顏色及擺盤有心思。
🎖️燒大虎蝦·龍蝦汁扁意粉
龍蝦醬汁味道十分香濃美味，可惜意粉有少少煮耐咗，唔夠煙韌。
🎖️海膽燴意大利飯·火炙北海道帆立貝·三文魚籽
海膽汁味道非常濃郁，口感綿滑好creamy，帶子大大粒，焦香味吸引，三文魚籽新鮮可口。
🎖️美國安格斯肉眼·椰菜絲沙律·太陽蛋
牛扒有驚喜，口感軟嫩，肉汁豐富，配上蛋黃，肉變得更滑。
最後，要讚職員態度殷勤有禮，親切有耐性。
