新泰東南亞餐廳 (已結業)

閑逸放工之後，同一位朋友book咗呢間泰國餐廳，近就唔係好近地鐵站，但係喺港島區，算係幾方便。咁呢間餐廳嘅價錢就唔算話平，但亦絕對唔算貴。算係一間中價嘅泰國餐廳啦。不過佢嘅環境絕對算係咁多間食過嘅泰國餐廳入邊最舒適。首先係裝潢方面，呢間餐廳望落去已經令人覺得好舒服同埋唔會好逼夾。而餐廳亦都安排我哋兩個坐四人嘅座位，所以感覺上坐得好舒服。咁係飲品方面，我個人認為就冇咩特別，都係主打沙冰同埋珍多冰之類嘅飲品。而係食物方面，呢間餐廳嘅菜式都好主流，例如馬拉盞炒通菜，燒牛肉，同埋冬陰公。感覺上亦都好乾淨，味道亦都唔錯。不過個炒飯就令我有啲驚喜，咁我哋就叫咗一個海鮮炒飯，兩個人share就啱啱好，個飯上面有少少肉鬆，出乎意料地配合。