孖啡 (已結業)

今日係旺角行完街，適逢消費卷使用時期，各間食肆人頭湧湧，朋友推介左一間樓上咖啡店，我同朋友就上左孖啡hea一hea, 上到去職員已立即安排位俾我地，靠窗口位望到彌敦道街景，我5點幾上去仲有下午茶食，於是叫左個凱撒沙律，卡邦尼煙肉意粉，雞翼薯條套餐,我地入到去覺得環境好淨，而且座位好寬敞坐得好舒服，卡邦尼汁煙肉意粉無得彈，份量剛剛好，卡邦尼汁係我食過之中最有水準，署條雞翼都幾脆，配埋茄汁同埋沙律醬；另外叫左個凱撒沙律，價錢真係好抵，份量兩個人食都覺得多，所以我哋一口氣食晒。跟住order飲料，我哋叫咗一杯魔術師同埋一杯檸檬紅茶，套餐已包一杯38蚊既飲料。食完一路聽住音樂一路同朋友聊天。