東羅 泰館 (已結業)

觀塘裕民坊一帶已經全新翻身，今日去咗裕民坊商場三樓嘅平台餐廳食泰菜，有少少露天位，可以望住出面啲田園景。坐低叫咗我最鍾意食嘅柚子沙律配大蝦，柚子鮮甜，難得個大蝦係新鮮製造，熱辣辣同埋有半隻蝦身已經剝殼，方便你食用。叫咗泰國鹵豬手，豬手已經炆煮到非常淋身，入口即刻會化開，旁邊最緊要有少少酸菜同埋一直溫泉蛋，呢度個醬汁較濃味，杰身少少，比較適合送飯食。炭烤脆燒雞，即叫即燒，等嘅時間會長一點，大約15分鐘，不過唔緊要，外皮香脆，咬開隻雞髀充滿肉汁，旁邊再配埋少少青木瓜火箭菜蕃茄沙律，感覺冇咁油膩，仲有半個檸檬同埋啲甜酸汁俾你掂下，提升鮮味。最後叫咗一個炭烤肉眼船麵，面有炸過嘅豬皮，牛肉，牛丸，芽菜及青菜，最緊要個湯底夠深色，味道非常濃郁，幾正宗！餐廳價錢定位唔錯，主菜都係百多元，食物質素嚟講，算唔錯，有埋中庭田園景望吓，環境都幾舒適！