影片
更多
2007-12-30
8 瀏覽
Elements開張以來都未去過,因為由公司去實在唔方便. 不過今次舊同學指明想去試試,又將選擇餐廳重任交俾我,當然唔可以失職啦. 好努力去各餐廳搜尋器,blog友網頁做資料搜尋,得出結果要又平又抵食就唔多選擇. 終於就去呢間El Pomposo.餐廳係半露天,係Elements平台. 環境十分靚,又浪漫.室內有酒吧椅或沙化,都幾舒服!好耐未試過食飯冇酒飲,不過由於呢班舊同學都已經係媽咪級多,又好補身,個個都飲熱檸水,熱檸蜜.麵包都有叮過,都唔錯!!哈密瓜火腿沙律- 招牌菜,哈密瓜好甜,當然風乾火腿用哈密瓜配就最合適啦! 但呢味相信主角係哈密瓜,所以火腿又係好快冇哂!!!蟹肉薯仔沙律- 雪藏蟹肉冇咩味,不過個沙律都ok.磨菇蝦串- 冇食,叫咗兩個order都唔夠分,食少一款都冇問題嘅! 蝦都幾大隻,相信應該唔錯.無花果伴西班牙火腿及芝士- 都係冇食,太快冇哂!! 我估ok掛!!蘋果炒豬柳配sherry汁- 呢個好味呀,啲汁用嚟點麵包正呀!!!涼伴燒茄子燈籠椒沙律- 呢個味道都幾好,茄子好入味!菠菜炒香腸- 香腸幾好味,不過都係少少咸,送酒會好啲!!! 西班牙鄉村風味臘腸薯仔餅- 睇個汁
餐廳係半露天,係Elements平台. 環境十分靚,又浪漫.室內有酒吧椅或沙化,都幾舒服!
好耐未試過食飯冇酒飲,不過由於呢班舊同學都已經係媽咪級多,又好補身,個個都飲熱檸水,熱檸蜜.
麵包都有叮過,都唔錯!!
哈密瓜火腿沙律- 招牌菜,哈密瓜好甜,當然風乾火腿用哈密瓜配就最合適啦! 但呢味相信主角係哈密瓜,所以火腿又係好快冇哂!!!
蟹肉薯仔沙律- 雪藏蟹肉冇咩味,不過個沙律都ok.
磨菇蝦串- 冇食,叫咗兩個order都唔夠分,食少一款都冇問題嘅! 蝦都幾大隻,相信應該唔錯.
無花果伴西班牙火腿及芝士- 都係冇食,太快冇哂!! 我估ok掛!!
蘋果炒豬柳配sherry汁- 呢個好味呀,啲汁用嚟點麵包正呀!!!
涼伴燒茄子燈籠椒沙律- 呢個味道都幾好,茄子好入味!
菠菜炒香腸- 香腸幾好味,不過都係少少咸,送酒會好啲!!!
西班牙鄉村風味臘腸薯仔餅- 睇個汁好嚇人,不過我地清哂啲汁先開始分. 十分之好味呀!!! 個個都讚不絕口. 薯仔蓉質感唔錯,再有少少臘腸都幾好食!!!
西班牙香腸炒墨魚圈- 呢個都唔錯,又係個汁好正!
西班牙臘腸炒茄汁長通粉- 呢個份量好夠,味道都係臘腸味重,開始食得太多臘腸有啲咸!!!
甜品- creme brulee 好液體,但味道都幾好.
quince paste with manchego cheese - 幾得意,好甜嘅好似山楂味嘅糕配芝士都幾夾!!
又估佢唔到,我地七位靚女,飲熱檸茶,檸水,加食物只不過係位位$150.
最難頂就係其中一個年青男侍應,叫佢幫我地影相,都未企好,未望鏡頭,已經好快數一二三就影咗. 最後咪又係要影過,咁唔耐煩做呢行真係唔啱佢,佢服務我地都好唔耐煩架喇. 仲要幾次坐係度講電話都唔理我地. 反而另一位女侍應好有笑容,好好禮貌. 早啲炒佢唔好影響間餐廳喇!!!!
張貼
