影片
更多
2021-05-25
104 瀏覽
依間玩味酒吧餐廳「何蘭正」相當出名，主打fusion菜，前排曾經執咗但最近係中環以新裝修新地方開業🥰其實我之前係未食過，因為bking好full而且價錢有少少貴，但今次終於去咗食生日飯😭環境氣氛方面的確好正，燈光偏暗但有霓虹燈牌裝飾，配埋杯啤酒cocktail簡直一流😙.👓順德風情雙籽三文魚他他配香脆雲吞皮 $128呢個反而有啲驚喜同想像中唔同，以為只是純三文魚子但原來伴有三文魚粒、加上他他醬，成個配搭好食！5塊雲吞皮，炸得香脆，好配搭！評分：7.5/10👓24小時慢煮伊比利亞叉燒．配煎日本太陽蛋．紅洋蔥漬．香噴噴香蔥豬油撈飯 $178用上靚叉燒再慢煮，好夠味但肉質稍為韌左少少，覺得可以再腍啲，不過可能加上佢係厚切一片片~雖然係豬油撈飯不過唔算好肥膩，因為佢有醬汁同香蔥等配料，我哋再將煎蛋蛋黃督穿撈飯所以惹味。評分：7/10👓香煎北海道帶子．鮮流心牛奶芝士．九龍醬園江戶前醬油漬牛油果．異國風情酸辣汁 $168中間係一個牛奶芝士球，體積都幾大個，一切開就流心，都幾重奶味，質感好似水牛芝士似凝固咗嘅奶脂，幾得意不過相當漏一定要同人share！有三大粒帶子，好嫩似刺身質感。牛油果係醬油漬所以
其實我之前係未食過，因為bking好full而且價錢有少少貴，但今次終於去咗食生日飯😭
環境氣氛方面的確好正，燈光偏暗但有霓虹燈牌裝飾，配埋杯啤酒cocktail簡直一流😙
.
👓順德風情雙籽三文魚他他配香脆雲吞皮 $128呢個反而有啲驚喜同想像中唔同，以為只是純三文魚子但原來伴有三文魚粒、加上他他醬，成個配搭好食！5塊雲吞皮，炸得香脆，好配搭！
評分：7.5/10
👓24小時慢煮伊比利亞叉燒．配煎日本太陽蛋．紅洋蔥漬．香噴噴香蔥豬油撈飯 $178用上靚叉燒再慢煮，好夠味但肉質稍為韌左少少，覺得可以再腍啲，不過可能加上佢係厚切一片片~雖然係豬油撈飯不過唔算好肥膩，因為佢有醬汁同香蔥等配料，我哋再將煎蛋蛋黃督穿撈飯所以惹味。
評分：7/10
👓香煎北海道帶子．鮮流心牛奶芝士．九龍醬園江戶前醬油漬牛油果．異國風情酸辣汁 $168中間係一個牛奶芝士球，體積都幾大個，一切開就流心，都幾重奶味，質感好似水牛芝士似凝固咗嘅奶脂，幾得意不過相當漏一定要同人share！有三大粒帶子，好嫩似刺身質感。牛油果係醬油漬所以有醬油鹹味，而底部仲有酸辣汁，所以成個主菜嘅味道比較複雜因為都好多醬汁味道~
評分：7/10
👓香滑開心果露．QQ白玉丸子 $68見story好多人都估中係開心果露而吾係抹茶🤪
有淡淡開心果嘅堅果味，因為開心果自身都唔算好重味，糖水勝在唔太甜，開心果碎灑面添加口感。約3粒白玉丸子。
評分：7.5/10
👓咸梅西瓜沙冰 $58食物比較漏，所以飲番杯凍冰冰沙冰好解渴，尤其西瓜底甜但帶點咸梅嘅鹹酸味，唔錯~
評分：7.5/10
張貼
