aga Restaurant & Bar

營業中

休息中

之前黎過幾次藍馬商業大廈食野，今日黎見到呢間Aga酒吧餐廳，就去試一試佢😋餐廳環境好靚，輕工業風，最驚喜係有室外座位！好chill好relax 😍有一排露台邊梳化座，另外有兩張日式tatami座位，加上柔和燈光，感覺世外桃源咁。🍄松露野菌湯超級濃郁松露野菌味，仲有粒粒雜菇，足料有口感👍🏻🥗特選海鮮沙律(黑醋欖油)沙律菜好新鮮，最驚喜係有好多海鮮！珍寶帶子好厚肉鮮嫩😍鮮蝦彈牙惹味，另外仲有蟹肉蟹籽，超級豐富。🍝香煎石斑柳扒墨魚麵真材實料係真石班😋兩大塊，肉質厚實鮮味。墨魚麵彈牙，用左橄欖油，香蒜，洋蔥調味，口感豐富。🍕西班牙風乾火腿薄餅餅底係餅乾薄片，焗得香脆。有大量芝士，風乾火腿，火箭菜，調味好好，不會漏。🌟🌟總括嚟講，餐廳環境超絕，性價比高，係舒適用餐好地方。