WM Café & Bar (海之戀商場)

營業中

休息中

呢次我同朋友去試咗呢間餐廳嘅二人套餐，真心推薦！如果你鍾意靚景加靚食，呢間餐廳係唔錯嘅選擇。室內環境幽靜，啱哂同朋友傾計或者想放鬆下嘅你。而戶外餐區更加正，可以遠眺汀九橋，夜晚仲有靚靚燈光，氣氛一流，坐低就已經覺得值回票價。至於食物，絕對對得住個景！忌廉龍蝦湯開場就嚟一碗濃郁嘅龍蝦湯，味道非常出色。忌廉同龍蝦嘅味道好平衡，口感滑溜，飲完一啖真係滿足到爆。如果你係鍾意飲湯嘅人，呢道湯真係唔可以錯過。巴馬火腿哈密瓜多士鹹香嘅巴馬火腿配埋清甜爽口嘅哈密瓜，口感層次好豐富，再加上香脆多士底，簡單但唔失驚喜。安格斯牛柳、海虎蝦、帶子、時令蔬菜牛柳我叫咗五成熟，啱啱好！入口嫩滑之餘，牛味夠濃，仲鎖住啲肉汁。海虎蝦尺寸十足，帶子就同樣新鮮滑溜，配埋時令蔬菜，健康又滿足。伊比利亞有骨豬扒、香煎帶子、青蘋果條、柚子海鹽醬呢道菜真係好有驚喜！豬扒有一陣煙燻香，肉質唔會太乾。而香煎帶子嘅鮮甜味，配埋青蘋果條同柚子海鹽醬，剛剛好中和咗豬扒嘅油膩感，呢個組合幾特別。藍莓芝士蛋糕 & 原味芝士蛋糕甜品方面，藍莓芝士蛋糕酸酸甜甜，芝士味夠濃，係經典組合。而原味芝士蛋糕就更加香濃細膩，入口仲帶少少乳酪味，好滿足。百香